Saturday, March 26, 2011

සොහොයුර මලිත්

උඹේ සිනහවත් හංගගෙන
අපිටත්, කාටත් නොකිය රහසින් ම
උබ යන්න ගිහින්
අපේ සිනහවත් අරගෙන ම

අපි උඹට වරදක් කරාද බං...
හිත රිද්දුවද අපිත් මේ තරමටම උඹේ...
අපිව මෙහෙම හැරයන්න...
ආවෙ නැද්ද දුකක් හිතට උඹේ...

මතක් වෙනව බං
"හලෝ මචං" කියල හිටපු කාලේ...
බට්ටො වගේ හිටපු කාලේ...
සෙල්ලම් කරපු කාලේ....

ගෙදරවැඩ නොකර එකට ගුටි කෑව මතකද...?
විහිළු කරල බඩ අල්ලගෙන හිනා උනා මතකද...?
පුංචි දේටත් තරහ වෙලා රංඩු උනා මතකද...?
ආයෙමත් යාළු උනාම දැනෙන සතුට මතකද...?

ඉතින් දැන් උඹ යන්න ගිහින්...
ඒත් අපිට විස්වාසයි
උඹටත් මේව හැම එකක්ම මතක ඇති...
උඹටත් ගොඩක් දුක ඇති...

මලිත්,
උඹ හැමදාමත් අපේ හිත්වල
පිපුන මලක් වගේ
අපි එක්කම ඉඳියි බං

උඹ කොහේ හිටියත්, කොහේ ගියත් හොඳට ඉඳපන් මලියෝ...
මේ සංසාරේ කවදාහරි අපි ආයෙමත් යාළුවෝ වෙලා ඉපදෙමු...
උඹට තෙරුවණ් සරණයි...

2011-03-26

Monday, November 8, 2010

Thursday, July 22, 2010

ස්නැගිට් : තිර ග්‍රහක මෘදුකාංගය (Screen Captor)


ඉතාමත් අනර්ඝ "ස්ක්‍රීන් කැප්චරින්" මෘදුකාංගයක් තමයි ස්නැගිට් කියන්නෙ.
මේක ගැන කියන්න ගත්තොත් ගොඩාක් දේවල් තියෙනව.. මම ඒ නිසා මුකුත් වැඩිය නොකියා පින්තූර ටිකක් විතරක් දාන්නම්...
මූලික වශයෙන් මේය මෘදුකාංගට පුලුවන් තිරයේ තියෙන විවිධ කව්ළු හඳුනාගන්න. ඒ වගේම වෙබ් ලිපිනයක තියෙන සියළුම පින්තූර එකවර බාගත කර දෙන්නත් පුළුවන්.
අන්තිම පින්තූර දෙකෙන් දැක්වෙන්නේ "ස්නැගිට් එඩිටර්" කියන කව්ළුවයි. මෙයත් මෙම "ස්නැගිට්" මෘදුකාංගයේම කොටසක්. අප ලබාගන්නා ප්‍රතිඵලය තවදුරටත් සංස්කරණය කිරීමට හා ගබඩා කිරීමට(සේව් කිරීමට ) මෙය යොදාගන්නවා. ග්‍රහණය කරගත් ඕනෑම තිරයක් ග්‍රහණය කරගත් විගසම ස්නැගිට් එඩිටර් කළුව තුලින් ඉබේම විවෘත වෙනවා.
--සංස්කෘත------------------------------------------------------------------------------------------------
කට්ටිය ලින්ක් එක දැක්කෙ නෑ වගේ. අර උඩින් තියෙන ස්නැගිට් කියන වචනෙ ඔබන්න. ඒක මම අප්ලෝඩ් කරපු ටොරන්ට් ගොනුවක්.

Sunday, June 20, 2010

රෙජිස්ට්‍රි ක්ලීනර්ස්


රෙජිස්ට්‍රි එක දෝෂ සහිත වීම නිසා ඔබගේ පරිගණකයේ වින්ඩොස් මෙහෙයුම් පද්ධතියේ ක්‍රියාකාරීත්වය මන්දගාමී විය හැකියි. මේ නිසා මෙම දෝෂ ඉවත් කිරීමට භාවිත කළ හැකි මෘදුකාංග වර්ගයක් තමයි "රෙජිස්ට්‍රි ක්ලීනර්ස්".
මෙම මෘදුකාංග අතරින් හොඳ මෘදුකාංග දෙකක් තමයි "රෙජිස්ට්‍රි මිකැනික්" සහ "යුනිබ්ලූ රෙජිස්ට්‍රි ක්ලීනර්".

මෙම මෘදුකාංග ටොරන්ට් වලින් මෙහෙම බාගත කරගන්න පුළුවන්
1.) රෙජිස්ට්‍රි මිකැනික් v9.0
2.) යුනිබ්ලූ රෙජිස්ට්‍රි ක්ලීනර් 2010
3.) යුනිබ්ලූ පවර් සූට් 2010*

*යුනිබ්ලූ පවර් සූට් 2010 යනු මෘදුකාංග එකතුවකි. එහි, " යුනිබ්ලූ රෙජිස්ට්‍රි ක්ලීනර් 2010 ", " යුනිබ්ලූ ස්පීඩ් අප් මයි පී සී 2009 " , " යුනිබ්ලූ ඩ්‍රයිවර් ස්කෑනර් 2009 " , " යුනිබ්ලූ ඩිස්ක් රෙස්කියු 2009 " කියන මෘදුකාංග අඩංගු වෙනවා.

සංස්කරණය
ඔබ රෙජිස්ට්‍රි මිකැනික් පිහිටුවීමෙන් පසුව ඔබගේ දෘඪ තැටිය අනවශ්‍ය ලෙස පිරෙන්නට පටන් ගන්නේ නම්,
" C:\Program Files (x86)\Common Files\PC Tools\sMonitor " යන බහලුවේ ඇති " cputime.xml , logfile.etl " යන ලිපිගොනු වල ප්‍රමාණය (space usage) පරික්ෂා කරන්න. එම ලිපි ගොනු අනවශ්‍ය ලෙස විශාල වී ඇති නම් ( GB ගණනක් ) බොහෝ විට හේතු විය හැක්කේ ඔබගේ පරිගණක පද්ධතියට මෙම රෙජිස්ට්‍රි මිකැනික් මෘදුකාංගය නිසි පරිදි නොගැලපීමයි. එම නිසා එම මෘදුකාංගය ඉවත් කර sMonitor බහලුව ද මකා දැමීම (delete) වඩාත් සුදුසු ය.

Saturday, June 19, 2010

ඇඩොබි


ක්‍රැක් / සීරියල් / කී-ජෙන් , සොයාගැනීමට මඳක් අපහසු මෘදුකාංගයක් තමයි "ඇඩෝබි ෆ්ලෑශ් බිල්ඩර් 4". මේව සිංහලෙන්ම ලිව්වෙ ඇයි කියල නම් තේරෙනව ඇතිනෙ... කොහොම හරි අන්තිමට මට ඇඩෝබි මෘදුකාංග ගොඩකම සීරියල්ස් තියෙන කීජෙන් එකක් ලැබුනා... රසවිදින්න...
ජයවේවා...!!!

Thursday, April 8, 2010

ඇල්ගොරිතම විශ්ලේෂණය( Analysis of Algorithms )

මොකක්ද මේ ඇල්ගොරිතම විශ්ලේෂණය කියන්නේ...

"To analyze an algorithm is to determine the amount of resources (such as time and storage) necessary to execute it. Most algorithms are designed to work with inputs of arbitrary length. Usually the efficiency or running time of an algorithm is stated as a function relating the input length to the number of steps (time complexity) or storage locations (space complexity)."
- en.Wikipedia.org

ඒ කියන්නේ...

"පරිගණක වැඩසටහනක් විශ්ලේෂණය කිරීම් යනු, එම වැඩසටහන ක්‍රියාත්මක කිරීමට අවශ්‍ය වන, කාලය සහ මතකය (Time and Space) වැනි සම්පත් ප්‍රමණය නීර්ණය කිරීමයි. බොහෝමයක් ඇල්ගොරිතම නිර්මාණය කර ඇත්තේ අභිමත ප්‍රදාන ප්‍රමාණයක් සමඟ ක්‍රියා කිරීමටයි. සාමාන්‍යයෙන් ඇල්ගොරිතමයක කාර්යක්ෂමතාවය හෝ ක්‍රියාත්මක වන කාලය: ප්‍රදාන ප්‍රමාණය, පියවර ප්‍රමාණය හෝ මතක සන්චිත, පිලිබඳ වූ ශ්‍රිතයක් ලෙස දැක්වේ."

සරලව කිව්වොත්, අපි මොකක් හරි ඇල්ගොරිතමයක් ලිව්වම ඒ ඇල්ගොරිතමය සාමාන්‍යයෙන් කොච්චර දුරට ඒක කාර්‍යක්ෂම ද කියල බලාගන්න තමයි මේ විශ්ලේෂණය කරන්නෙ.

මේක කරන ක්‍රමය අපි උදාහරණයකින්ම බලමු..
හොඳයි, ඕනෑම සංඛ්‍යා පේලියක් ප්‍රදානය කලාම ඒක ආරොහණ පිළිවෙලට සැකසීම() සඳහා ඇල්ගොරිතමයක් ලියන ක්‍රමයක් සලකමු. දැනට මේ කාර්යය සඳහා ඇල්ගොරිතම (sorting algorithms) විවිධ තාරිකික ක්‍රම වලට නිර්මාණය කර තිබෙනවා.ඒවා විවිධ නම් වලින් හඳුන්වනවා. මොකද මේක ගොඩක් වෙලවට අවශ්‍ය වන ඇල්ගොරිතම වර්ගයක් නිසා.අපි මේකෙ තියෙන "බබල් සොර්ට්" (Bubble Sort) කියන ඇල්ගොරිතමය සලකමු. ඒක ගොඩක් සරල ඇල්ගොරිතමයක්. ඒක ක්‍රියා කරන ආකාරය සරලව කිව්වොත්..,

"මෙතනදි කරන්නෙ පිලිවෙළින් මුල සිටම එක ලඟ තියෙන සංඛ්‍යා දෙකෙන් දෙක අරගෙන මුල් සංඛ්‍යාව දෙවෙනි සංඛ්‍යාවට් වඩා විශාල නම්, ඒ දෙක මාරු කරනව. මේ කාර්යය දිගටම සංඛ්‍යා පේලියේ අන්තිම සංඛ්‍යා ජොඩුව දක්වාම කරගෙන යනව. මේ විදිහට ඒ ජොඩු ගණනට සමාන වාර ගණනක් මේක කරනව. එතකොට මුළු පේලියම පිළිවෙලට සැකසෙනව. මේක ගැන වැඩි විස්තර මෙන්න."

ඉතින් දැන් අපි මේ ඇල්ගොරිතමය විශ්ලේෂණයට භාජනය කරමු..,



බබල් සොර්ට් ඇල්ගොරිතමය





n ← array_length
for i ← n-1 to 1
for j ← 1 to i
if a[j] > a[j+1]
temp ← a[j]
a[j] ← a[j+1]
a[j+1] ← temp




දැන් බලමු අපි මේ ඇල්ගොරිතමය විශ්ලේශණය කරන්නෙ කොහොමද කියලා..
මුලින්ම මෙම ඇල්ගොරිතමයේ පේලියෙන් පේලියට සිදුකරන කාර්යයන් බලමු,


1.) n ← array_length
. . . . . . . . . . . . . . . . . . . . - සංඛ්‍යා පේලියේ සංඛ්‍යා ගණන "n" ට ආදේශ කිරීම.

2.) for i ← n-1 to 1
. . . . . . . . . . . . . . . . . . . . - i ට ආරම්භක අගය වන (n-1) ලබා දීම හෝ i හි අගය 1 කින් අඩු කිරීම. ඉන් පසු, i හි අගය, දී ඇති පරාසය වන 1 ≤ i ≤ (n-1) ට ඇතුලත් දැයි පරික්ෂා කොට, එසේ ඇතුලත් නොවන්නේ නම් මෙම for loop එක අවසන් කිරීම.

3.) for j ← 1 to i
. . . . . . . . . . . . . . . . . . . . - j ට ආරම්භක අගය වන 1 ලබා දීම හෝ j හි අගය 1 කින් වැඩි කිරීම. ඉන් පසු, j හි අගය, දී ඇති පරාසය වන 1 ≤ j ≤ i ට ඇතුලත් දැයි පරික්ෂා කොට, එසේ ඇතුලත් නොවන්නේ නම් මෙම for loop එක අවසන් කිරීම.

4.) if a[j] > a[j+1]
. . . . . . . . . . . . . . . . . . . . - සලකන a[j] සහ a[j+1] සංඛ්‍යා දෙක ආරෝහණ පිලිවෙලට නැත්දැයි බැලීම.(මුල් සංඛ්‍යාව (a[j]) දෙවැනි සංඛ්‍යාවට (a[j+1]) වඩා විශාලදැයි බැලීම)

5.) temp ← a[j]
. . . . . . . . . . . . . . . . . . . . - තාවකාලිකව මුල් සංඛ්‍යාවේ (a[j]) අගය temp නම් විචල්‍යයක් තුළ ගබඩා කර තබා ගැනීම.

6.) a[j] ← a[j+1]
. . . . . . . . . . . . . . . . . . . . - දෙවැනි සංඛ්‍යාව(a[j+1]) පෙර සංඛ්‍යාවට (a[j]) ආදේශ කිරීම.

7.) a[j+1] ← temp
. . . . . . . . . . . . . . . . . . . . - තාවකාලිකව ගබඩා කරගත් a[j] හි තිබූ අගය a[j+1] ට ලබාදීම.


මුලින්ම අපි මේක උදාහරණයක් එක්ක බලමු...
අපි හිතමු මේ සංඛ්‍යා පේලිය තියෙන්නෙ 4 3 2 1 කියල. ඒ කියන්නෙ මෙතනදි,
a = { 4, 3, 2, 1 } සහ n = 4 වෙනව.

පහත වගුවක ආකාරයෙන් දැක්වෙන්නේ මෙම ඇල්ගොරිතමය ඉහත උදාහරණය සඳහා ක්‍රියාත්මක කිරීමේදී සිදුවන කර්යයන් සංක්ෂිප්තව, පියවර වශයෙනි.
(සංක්ෂිප්ත වුවද මෙහි සියලුම පියවරයන් පිළිවෙලින් සම්පූර්ණ වශයෙන් දක්වා ඇති අතර මෙහිදී සංක්ෂිප්ත යැයි කීවේ පේලි කීපයක ප්‍රතිඵල එකවර ගෙන දක්වා අති බැවිනි. )






*"ක්‍රියාත්මක වන ඇල්ගොරිතමයේ පේලි" යනු, ඉහත විස්තර කළ ඇල්ගොරිතම පේලි වේ. එම අවස්ථවේ ක්‍රියත්මක වන පේලි වල අංක පිළිවෙලින් මෙහි දක්වා ඇත.
*"(e)" ලෙස දක්වා ඇත්තේ එම විචල්‍යය (i හෝ j) එම අදාළ loop එකෙහි පරාසය ඉක්මවා ඇති අවස්ථාවයි. එනම් එම අවස්ථාවේදී ඒම අදාළ loop එක අවසන් (exit) වේ.
*රතු වර්ණයෙන් පෙන්වනු ලබන්නේ එම අවස්ථාවේදී සලකනු ලබන සංඛ්‍යා යුගලයයි. ( මෙම යුගලය තෝරාගැනීම සිදුවනු ලබන්නේ i හා j වල අගයයන් මගිනි. )
*නිල් වර්ණයෙන් පෙන්වනු ලබන්නේ එම සංඛ්‍යා යුගලය සැකැස්වීමෙන් පසු අවස්ථාවයි.
*කොළ වර්ණයෙන් පෙන්වනු ලබන්නේ සැකසී අවසන් වු සංඛ්‍යා වේ.( එනම් එම සංඛ්‍යා loop එකේ ඇති iහා j විචල්‍ය වල කලාපයෙන් ඉවත් වී ඇත.)

බබල් සෝර්ට් ඇල්ගොරිතමය මගින්, ඉහත පහළට පිළිවෙලින් දක්වා ඇති ආකාරයට ක්‍රමයෙන් සංඛ්‍යා පේලිය ආරොහණ පිළිවෙලට සැකසේ.
මේ අනුව ඉහත වගුවේ ක්‍රියාත්මක වන ඇල්ගොරිතමයේ පේලි යන තීරුවෙන් මෙම අවස්ථාවේදී, ඇල්ගොරිතමයේ එක් එක් පේලිය ක්‍රියාත්මක වූ වාර ගණන ලබා ගත හැක. නමුත් එම වාර ගණන මෙම ඇල්ගොරිතමයට ලබා දෙන ප්‍රදානය මත රඳා පවතී. එ කෙසේද යත්, ප්‍රදානයේ සංඛ්‍යා ගණන හා එම සංඛ්‍යා තිබෙන පිළිවෙල මත මෙම ඇල්ගොරිතමයේ යම් පේලියක් ක්‍රියාත්මක වන වාර ගණන වෙනස් වේ.නමුත් ඇල්ගොරිතමයකට ලබාදෙන ප්‍රදාන සංඛ්‍යාව(n) ආශ්‍රයෙන් ඇල්ගොරිතමයේ යම් පේලියක් ක්‍රියාත්මක වන වාර ගණන සඳහා ප්‍රකාශණයක් ගොඩ නැගිය හැක. එය ධාවන කාල විශ්ලේෂණය (run-time analysis) ලෙස හැඳින්වේ.

"Run-time analysis is a theoretical classification that estimates and anticipates the increase in running time (or run-time) of an algorithm as its input size (usually denoted as n) increases. Run-time efficiency is a topic of great interest in Computer Science: A program can take seconds, hours or even years to finish executing, depending on which algorithm it implements."
- en.Wikipedia.org

ඒ කියන්නේ...

"ධාවන කාලය විශ්ලේෂණය යනු, ඇල්ගොරිතමයක ප්‍රදානයේ විශාලත්වය (n) වැඩි වීමේදී ඇතිවන ධාවන කාලයේ වැඩි වීම නිමානය කිරීමේ සිද්ධාන්තයකි. ධාවන කාලයේ කාර්යක්ෂමතාවය යනු පරිගණක විද්‍යාව තුළ ඇති ඉතා සැලකිය යුතු විෂයක්ෂේත්‍රයකි. පරිගණක ක්‍රමලේඛනයක්( වැඩසටහනක් ) ක්‍රියා කර අවසන් වීම සඳහා එය ගොඩනගා ඇති ඇල්ගොරිතමයට මත රඳා පවතිමින්, තත්පර, පැය හෝ අවුරුදු කීපයක් වූව ද ගත විය හැක."

එනම්, ධාවන කාලය විශ්ලේෂණය නිවැරදිව නොකරමින් යම් ක්‍රමලේඛයක් ලිවහොත් එය කාර්යක්ෂමතාවය අතින් ඉතා බාල විය හැක. එමනිසා මෙම ධාවන කාල විශ්ලේෂණය ඇල්ගොරිතම සඳහා ඉතා වැදගත් අංගයකි.

අප දැන් ඉහත ඇල්ගොරිතමයේ පේලියෙන් පේලිය ගෙන එසේ ප්‍රකාශණ ගොඩනගමු.
(පහත වාක්‍ය වල, ඉදිරියෙන් දැක්වෙන්නේ අදාල පේලියේ අංකයයි.)

( 1 ) - මෙය ඇල්ගොරිතමයට ලබාදෙන ප්‍රදානයෙන් ස්වායක්ත ව 1ක් වරක් පමණක් ක්‍රියා කරයි.

( 2 ) - මෙම පේලිය i = (n-1) සිට i = 1 දක්වා ද අන්තිමේදී i = 0 දී loop එක අවසන් කිරීම(exit) සඳහා ද ක්‍රියා කරයි. එනම් මෙම පේලිය n වාරයක් ක්‍රියත්මක වේ.

( 3 ) - මෙම පේලිය i හි යම් අගයකදී 1 සිට i දක්වා ක්‍රියාකර i+1 අගයේ දී loop එක අවසන් විම සඳහා ක්‍රියා කරයි. එම නිසා මෙය i හි යම් අගයක දී i+1 වාර ගණනක් ක්‍රියාකරයි.(නමුත් i = 0 විට ක්‍රියා නොකරයි.)∴ මෙය sigma notation වාරයක් ක්‍රියා කරයි.
summention

( 4 ) - මෙම පේලිය i හි යම් අගයකදී 1 සිට i දක්වා ක්‍රියා කරයි. එම නිසා මෙය i හි යම් අගයක දී i වාර ගණනක් ක්‍රියාකරයි.(නමුත් i = 0 විට ක්‍රියා නොකරයි. තවද, j = i+1 විට ද ක්‍රියා නොකරයි.)∴ මෙය sigma notation2 වාරයක් ක්‍රියා කරයි.
summention2

( 5 ),( 6 ),( 7 ) - මෙම පේලි තුන ක්‍රියා කරන වාර ගණන එකම වේ. මෙම පේලි තුන ක්‍රියාකරන ආකාරය ( වාර ගණන ) නිශ්චිතව කිව නොහැක. එය ප්‍රදානය කරන සංඛ්‍යා පේළියේ පිලිවෙල අනුව විචලනය වේ. නමුත් මෙහි උපරිම හා අවම අගයක් ඇත. මෙම අගයන් උපරිම හා අවම වන අවස්ථාවන් පිළිවෙලින් Worst Case හා Best Case ලෙස හැඳින්වෙන අතර ඊට අතරමැදි ඔනෑම අවස්ථාවක් Avarage Case ලෙස හැඳින්වේ.
*මෙම ඇල්ගොරිතමයේ Best Case අවස්ථාව වන්නේ ප්‍රදානයේ සංඛ්‍යා ආරෝහණ පිළිවෙලින් ඇති විටයි. එවිට, 5,6,7 පේලි ක්‍රියාත්මක නොවේ. එනම් 5,6,7 පේලි ක්‍රියාත්මක විය හැකි අවම වාර ගණන 0 ( බිංදුව ) වේ.
*මෙහි Worst Case අවස්ථාව වන්නේ ප්‍රදානයේ සංඛ්‍යා අවරෝහණ පිළිවෙලින් ඇති විටයි. එවිට, 5,6,7 පේලි ද 4 වන පේලිය ක්‍රියා කරන වාර ගණනට සමාන වාර ගණනක් ක්‍රියාත්මක වේ. එය 5,6,7 පේලි වලට ක්‍රියත්මක විය හැකි උපරිම වාර ගණන වේ.
*මේ අනුව සාමාන්‍ය(Average Case) අවස්ථාවකදී, ඉහත සඳහන් උපරිමයත් අවමයත් අතර ප්‍රමාණයක් 5,6,7 පෙලි ක්‍රියත්මක වේ.
*යම් ' අගයකදී 5,6,7 පේලි ක්‍රියා කරන වාර ගණන α යැයි ගෙන මෙම පේලියක් ක්‍රියා කරන මුලු වාර ගණන Σαi ලෙස ලිවිය හැක.

මෙම එක් එක් පේලිය ක්‍රියා කිරීම සඳහා ගතවන කාලයන් එකිනෙකට වෙනස් වේ. එම පේලියක් එක් වරක් ක්‍රියා කිරීමට ගතවන කාලය පහත වගුවේ 'කාලය' නම් තීරුවේ දැක්වේ.
එම කාලයෙන්, අදාළ පේලිය ක්‍රියා කරන වාර ගණන ගුණ කළ විට, එම පේලිය සඳහා පමණක් ගතවන 'මුළු කාලය' ලැබේ.
මෙම කාලයන් එම පරිගණකයේ තත්වයන් මත( මෘදුකාංගමය හා දෘඩාංගමය යන දෙකම ) වෙනස් වේ. එනම් යම් කාර්යයක් කිරීම සඳහා ගතවන කාලය සාමාන්‍ය කාල ඒකක( මිලි තත්පර / තත්පර / දින ) වලින් කිව නොහැක. එය එකම යන්ත්‍රයේ වූවද අවස්ථාවන් දෙකක දී වෙනස් කාලයන් දෙකක් ගත හැක. එමනිසා මෙහිදී නිරපේක්ෂ වශයෙන් කාලයක් මැනිය නොහැක. නමුත් ඇල්ගොරිතම දෙකක් සැසඳීම සඳහා සාපේක්ෂ වශයෙන් යම් ක්‍රමයක් ගොඩනගා ගත හැක.







*එමනිසා ඉහත C1,C2,C3,C4,C5,C6,C7 යන්ත්‍රය මත රඳාපවතින සාධක වේ.


එම නිසා මෙම ඇල්ගොරිතමය සඳහා මුළු ධාවන කාලය(Run time) ඉහත මුළු කාර්යයන් වල එකතුවෙන් ලැබේ,

Run time =
12345678910

පොදු සාධක ගැනීමෙන්,


දැන් පහසුව තකා ඉහත n2 , n , Σαi , n0(නියත පදය) යන ඒවායේ සංගුණකයන් පිළිවෙලින් A , B , C , D වේ යැයි ගනිමු.
එමනිසා,


මෙම A,B,C,D යනු C1,C2,C3,C4,C5,C6,C7යන නියත වලින් සැදි නියතයන් වේ. එමනිසා, ඒවා යන්ත්‍රය( පරිගණකය ) මත රඳා පවතී. එමනිසා, යම් ඇල්ගොරිතම දෙකක් සැසඳීම සඳහා මෙය නුසුදුසුය. එබැවින් මෙහිදී යන්ත්‍රයෙන් ස්වායක්ත ලෙස(machine indipendently) , ධාවන කාල ශ්‍රිතය(run time complexity) මෙසේ f(n) ලෙස දක්වනු ලැබේ,

1234567891011

මෙසේ ලබාගන්නා 'ධාවන කාල ශ්‍රිතය' ඇල්ගොරිතම වල ඇති ඉතා වැදගත් සැලකිය යුතු අංගයක් වන අතර ඇල්ගොරිතම දෙකක් සැසඳීම සඳහා මෙය බෙහෙවින් ඉවහල් වේ.

Saturday, March 20, 2010

ප්'සුඩෝ කේත ක්‍රමය (Pseudo Codes)

ප්'සුඩෝ කේත ක්‍රමය ගැන තියෙන මා හට හමු වූ වඩාත් සාර්ථක ම අර්ථ දැක්වීම මෙයයි...,
"Pseudo code is a kind of structured English for describing algorithms. It allows the designer to focus on the logic of the algorithm without being distracted by details of language syntax. At the same time, the pseudo code needs to be complete. It describe the entire logic of the algorithm so that implementation becomes a rote mechanical task of translating line by line into source code."
- wikiAnswers.com

මෙහි තේරුම නම්...,
"ප්'සුඩො කේත ක්‍රමය යනු, ඇල්ගොරිතම පැහැදිලි ලෙස ( ලියා ) දැක්වීම සඳහා යොදා ගනු ලබන, ව්‍යුහගත ඉංග්‍රීසි භාෂා ක්‍රමයකි. මෙමගින්, කේතය ( ප්'සුඩෝ කේතය ) සම්පූර්ණ කිරීමේ අවස්ථාවේදී ම, පරිගණක භාෂාවලට ආවේනික කේත කොටස් වලින් බාධා ඇතිවීම වලකමින්, ඇල්ගොරිතමයේ තර්කය පිළිබඳව පමණක් අවධානය යොමුකිරීමට සැලසුම්කරුවා හට ඉඩ සලසාදෙයි. එය කොතෙක් දුරට ඇල්ගොරිතමයේ ඇති සම්පූර්ණ තර්කය පැහැදිළි කරයි ද කියතොත්, ඇල්ගොරිතමය ස්ථාපනය කිරීම, යාන්ත්‍රික ව ( පුරුද්දෙන් ) සිදු කරනු ලබන, ප්'සුඩෝ කේතය පේලියෙන් පේලිය පරිගණක කේතය බවට පරිවර්තනය කිරීමේ කාර්‍ය්යක් බවට පත් වේ."

මෙම කේත ක්‍රමයේ අරමුණ නම් ඕනෑම පරිගණක භාෂාවකට පොදු වන ලෙස සරලව යම් ඇල්ගොරිතමයක් (හෝ පරිගණක කේත කොටසක් ) ලියා දැක්වීමයි. මෙය ඕනෑම පරිගණක භාෂාවක් ( C++, Java, Phython,..etc. ) දන්නා හෝ භාවිත කරන අයකුට කියවා තේරුම් ගත හැකි පොදු කේත ක්‍රමයක් ( පරිගණක භාෂාවලින් ස්වායක්ත ) වන අතර මෙහිදී මෙම කේත වලින් ලියනු ලබන්නේ "තාර්කික කොටස" ( ඇල්ගොරිතමය ) පමණි.

යම් පරිගණක භාෂාවක් භාවිත කරන අයකු මෙම ප්'සුඩෝ කේත වලින් ලියන ලද කේත කොටස එම අදාල භාෂාවකින් ලිවීමේදී එම භාෂාවට ම ආවේනික වූ යම් යම් වෙනත් ( ඇල්ගොරිතමයට අදාල නොවන ) කේත කොටස් ද භාවිත කිරීමට, ඔහුට සිදුවනු ඇත.

උදා :-
Pseudo Code
---------------------------------------------------------------------
a ← 7
b ← 5
IF a > b THEN
PRINT “A is Greater”
­---------------------------------------------------------------------

Implementation on Java
---------------------------------------------------------------------
class test {

public static void main (String args[]){
int a = 7, b = 5;

if (a > b)
System.out.println(“A is Greater”);

}

}
---------------------------------------------------------------------

Implementation on C++
---------------------------------------------------------------------
#include <iostream>
using namespace std;

int main (){
int a = 7 , b = 5;

if (a > b)
cout << “A is Greater”;
return 0;
}
---------------------------------------------------------------------

ඉහත උදාහරණ වලදී "class, public static void main (String args[]), #include <iostream> , using namespace std; ...etc." ආදී කේත කොටස් එම Java සහ C++ යන පරිගණක භාෂා වලටම ආවේනික කේත කොටස් ව ඇති බව වැටහෙනු ඇත.
තර්කය / ඇල්ගොරිතමය, පරිගණකයක් තුළ ස්ථාපනය (implementation) කිරීමේදී මෙසේ, ප්'සුඩෝ කේතය පරිගණක භාෂාවකට පරිවර්තනය කරනු ලැබේ.
සාමාන්‍යයෙන් සලකනු ලබන්නේ ප්'සුඩෝ කේත ලිවීමට නිශ්චිතම වශයෙන් ක්‍රමයක් නැති බවයි.එය ලිවිය යුත්තේ තමාට හැකි තරම් සරල ( පහසු ) ලෙසයි. මෙහිදී තමා කැමති ක්‍රමයක් ( සම්පූර්ණ වාක්‍ය ලිවීම , තමාට පහසු අංකන ක්‍රමයක් යොදාගැනීම් , කරුණු වශයෙන් ලිවීම්... ) භාවිත කළ හැක.නමුත් ප්'සුඩෝ කේත සම්බන්දයෙන් හඳුනාගත් සම්මත ලක්ෂණ කීපයක් ඇත. මෙම සම්මත ලක්ෂණ 6 : SEQUENCE , WHILE , IF-THEN-ELSE , REPEAT-UNTIL , FOR හා CASE ලෙස නම් කළ හැක. මෙම සම්මත ලක්ෂණ පිලිබදව වැඩිදුර කරුණු Pseudocode Standard : වෙබ් පිටුවෙන් ලබාගත හැක.

"No standard for pseudo code syntax exists, as a program in pseudo code is not an executable program. Flowcharts can be thought of as a graphical alternative to pseudo code."
- en.Wikipedia.org

මෙහි අදහස...,
"ප්'සුඩෝ කේත ක්‍රමය මගින් ලියූ ඇල්ගොරිතම යනු ක්‍රියා කරන පරිගණක වැඩසටහන් නොවන නිසා, ප්'සුඩෝ කේත සඳහා සම්මත අංකනයක් නොමැත. "ගැලීම් සටහන්" (Flowcharts) යනු මෙම ප්'සුඩෝ කේත සඳහා හොඳ රූපමය ආදේශකයක් ලෙස හැඳින්විය හැක."